Yaad kar Lena
Context: I wrote this poem for graduation dedicated to all my friends
yoon hee kisee zindagee ke mod par,
kabhee akela pao kudh ko,
toh hame yaad kar lena
jababhee kabhee aane vaale kal kee chinta, aankhonse aansoo laye
char saalo mein bitae hue pal, phir ek baar jee lena
Waqt ki ungli thame,
Guzroge jab zindagi ke andhere ranston se,
Inhi kuch lamho se hansi chura kar
muskura lena
Aur kabhi kisi bheed mein mujhe pehechan na pao
toh Gair samjh kar hi sahi,
Jhooti hansi labo pe lake
Gale mil lena
Yoon hee kisee zindagee ke mod par,
kabhee akela pao kudh ko,
toh hame yaad kar lena
- Ojas Suryawanshi
Na kho housla tu
Context: I wrote this poem during a very low time
Na kho Hoshala tu
Na dagmaga ne de himmat terri
Na kho hoshala tu
Baazi abhi bhari hai teri
Chattan si mushkil hai jo par kar raha tu
Hai le rahi kudrat teri pariksha
Jisse jeet k ubhar raha tu
Na kho o sahas inn bondon se
Hai samundar tair ke aya tu
Hai jo atut vishwas ragon Mein Teri
Ki fir uth kada ho raha tu
Na kho hosala tu
Na dagmagane de himmat teri
Na kho hosala tu
- Ojas Suryawanshi